د میدان وردګ ولایت د شهیدانو او معلولینو چارو ریاست له لوري د شهیدانو وارثینو لپاره د حج فریضې د اداینې په موخه قرعه کشي وشوه
د میدان وردګ ولایت د شهیدانو او معلولینو چارو ریاست له لوري د شهیدانو وارثینو لپاره د حج فریضې د اداینې په موخه قرعه کشي وشوه، دا قرعه کشي د ارشاد، حج او اوقاف وزارت لخوا د شهیدانو او معلولینو چارو وزارت ته د ورکړل شوې ځانګړې سهمیې پر اساس ترسره شوه.
یاده قرعه کشي د میدان وردګ ولایت د شهیدانو او معلولینو چارو رئیس محترم مولوي محمد نذیر ابومحمد او کارکوونکو په شتون کې پر مخ يوړل شوه، چې په پایله کې ۱۲ کسان د حج فریضې د اداینې لپاره بریالي اعلان شول، هغوی به د نورو چارو د ترسره کولو په موخه د شهیدانو او معلولینو چارو وزارت ته ور وپېژندل شي.
د یادونې وړ ده چې د شهیدانو او معلولینو چارو ریاست یوازې د د شهيدانو ورثه وو او معلولينو ته دحج د فریضې د اداینې لپاره نوبت برابروي، او د حج ټول مصارف به د حاجي پر غاړه وي.
