د غزني ولایت د شهیدانو او معلولینو چارو رئیس په دې ولایت کې د عزیزي بانک له مسؤل سره د شهیدانو ورثه ؤ او معلولینو د مساعدتونو د ورکړې په تړاو غونډه تر سره کړه
د غزني ولايت د شهيدانو او معلولينو چارو رئيس محترم مولوي محمد انور برادر په دې ولایت کې د عزيزي بانک څانګې له مسؤل سره وکتل. په دې کتنه کې په (۱۴۰۳) کال کې د شهيدانو ورثه ؤ او معلولینو ته د میاشتني نغدي مرستو د ورکړې په تړاو د شته ستونزو د له منځه وړلو او هغوی ته لازياتو آسانتیاوو رامنځته کولو او پرته له خنډ او ځنډ څخه د هغوی د حقوقو د ورکولو په هکله خبرې وشوې، په ورته وخت کې د عزیزي بانک مسؤلینو په یاده برخه کې د همکارۍ ژمنه وکړه.
