د غزني ولایت د شهيدانو او معلولینو چارو رئيس د دې ولايت اړوند یو شمېر رئيسانو سره وکتل
د غزني ولایت د شهيدانو او معلولینو چارو رئيس محترم مولوي محمد انور برادر د دې ولايت د اقتصاد، د پېښو په وړاندې د مبارزې، د کلېو او پراختيا، سرې مياشتې او عدلیې ریاستونو له رئيسانو سره وکتل.
د یادې کتنې په ترڅ کې د شهيدانو او معلولینو چارو رئيس له هغوی څخه وغوښتل چې د مرستو په وېش کې یتیمانو، کونډو او معلولینو ته لومړيتوب ورکړي، تر څو په سمه توګه د هغوی لاسنیوی وشي.
په ورته وخت کې د اړوند رياستونو رئيسانو په ياده برخه کې د هر اړخیزې همکارۍ ډاډ ورکړ.
