د شهیدانو او معلولینو چارو په وزارت کې اصلاحات مثبت تمام شوي
د شهیدانو او معلولینو چارو په وزارت کې اصلاحات مثبت تمام شوي
د شهیدانو او معلولینو په چارو کې د دولت وزیر لعل الدین آریوبي د ملي امنیت شورا سلاکار ډاکټر حمد الله محب سره وکتل.
ښاغلي آریوبي په دې وزارت کې د روانو اصلاحاتو، فساد سره د مبارزې، سیستم جوړونې، د کاري پروسو ساده کولو، اسنادو د څېړنې او ارزونې، د نويو خدمتونو وړاندې کولو، حقوقو ورکړې مېکانېزم، روڼتیا تامین او د شهیدانو د ورثې او معلولیت لرونکو وګړو ستونزو ته د رسېدنې او دوی ته په مختلفو برخو کې د کاري فرصتونو برابرولو، زده کړو، ټولنیز، سیاسي او فرهنګي ګډون په اړه د ترسره شویو چارو راپور وړاندې کړ وویل: د شهیدانو وارثین او معلولیت لرونکي وګړي اوس هم ګڼو ستونزو سره مخ دي، زیاتې پاملرنې او مرستې ته اړتیا لري، اړینه ده، چې حکومت دې برخې ته خپله پاملرنه زیاته کړي.
د ملي امنیت شورا سلاکار ښاغلي حمد الله محب په وزارت کې د روانو اصلاحاتو لړۍ مثبته او اغېزناکه وبلله او د ترسره شویو چارو مننه یې وکړه وویل: د شهیدانو د ورثې او معلولینو چارو ته رسېدنه د حکومت لومړیتوب دی. ښاغلي محب د هر اړخیزې همکارۍ ژمنه وکړه او هیله یې وښوده، چې د اصلاحاتو بهیر نور هم کړندی او بشپړه روڼتیا رامنځته شي.
