د شهیدانو او معلولینو چارو وزارت مستحقو یتیمانو، کونډو او معلولینو ته د خوراکي توکو د چمتو کولو په موخه د نصیر خیریه بنسټ سره هوکړه لیک لاسلیک کړ
یاد هوکړه لیک چې د شهیدانو او معلولینو چارو وزارت د بهرنېو اړیکو او پلان رئیس محترم ملا صدو خان حق شناس او د نصیر خیریه بنسټ د مسؤل محترم محمد جواد ترمنځ لاسلیک شو چې د هغې پر بنسټ به په میدان ورد ک او ننګرهار ولایتونو کې زر (۱۰۰۰) تنو یتیمانو، کونډو او معلولینو ته خوراکي توکي چې په هغې کې به اوړه، غوړي، وریجې، سوجي اوړه، مکروني، بوره، چای، لوبیا او دال شامل وي، وویشل شي.
د يادونې وړ ده چې د یادې پروژې ټوليز ارزښت پنځه میلیونه او پنځه لکه (۵۵۰۰۰۰۰) افغانۍ دی چې د میدان وردک او ننګرهار ولایتونو کې به تطبیق شي.
