د شهیدانو او معلولینو چارو وزارت سرپرست وزیر محترم الحاج ملا عبدالمجید آخند هلمند ولایت ته د سفر په ترڅ کي د یاد ولایت د شهیدانو او معلولینو چارو ریاست څخه لیدنه وکړه
هلمند ولایت ته د شهیدانو او معلولینو چارو وزارت سرپرست وزیر محترم الحاج ملا عبدالمجید آخند سفر کړی او هلته یې د یاد وزارت اړوند ریاست له رئیس الحاج ملا سیدولي" حاجي مستري" او نورو مسؤلینو سره پر یو لړ مهمو او اساسي موضوعاتو بحث وکړ.
د شهیدانو او معلولینو چارو وزارت سرپرست وزیر د یاد ریاست د اداري او تخنیکي چارو څخه لیدنه وکړه او د اړوند موضوعاتو په اړه یې مسؤلینو ته لازمي لارښوونې او سپارښتنې وکړې.
په دې سفر کې د شهیدانو اومعلولینو چارو سرپرست وزیر محترم الحاج ملا عبدالمجید آخند د هلمند ولایت له یو شمېر معلولینو او د شهیدانو کورنېو له غړو سره هم وکتل، د هغوی ستونزې او غوښتنې یې واوریدې او په ورته وخت کې یې له یادو کسانو سره نغدي مرسته هم ترسره کړه.
