د شهیدانو او معلولینو چارو وزارت سرپرست وزیر محترم الحاج ملا عبدالمجید آخند بغلان ولایت ته د سفر په ترڅ کې د یو شمېر شهیدانو کورنېو او معلولینو سره له نږدې وکتل
د شهیدانو او معلولینو چارو وزارت سرپرست وزیر محترم الحاج ملا عبدالمجید آخند چې د یاد وزارت د دفتر رئیس محترم قاري شاه محمد دوست یې ملتیا کوله، بغلان ولایت ته د سفر په ترڅ کې د یاد ولایت په دوشي ولسوالۍ کې د شهیدانو له ځینو کورنېو او معلولیت لرونکو وګړو سره له نږدې وکتل، د هغوی ستونزې یې واوریدې.
محترم الحاج ملا عبدالمجید آخند د شهیدانو له ځینو کورنېو او معلولیت لرونکو وګړو سره په کتنه کې وویل: اسلامي امارت او په ځانګړي ډول د شهیدانو او معلولینو چارو وزارت یتیمانو، کونډو او معلولینو ته د غوره خدمتونو په وړاندې کولو کې ژمن دی او د هغوی څخه هر اړخیر ملاتړ کوي.
د شهیدانو او معلولینو چارو وزارت سرپرست وزیر محترم الحاج ملا عبدالمجید آخند د ریاست الوزراء د اقتصادي مرستیال محترم ملا عبدالغني برادر اخند او ورسره پلاوي تر څنګ د پنجشنبې په ورځ د خواجه الوان دښتې څخه د کابل ارغندې پورې د (۵۰۰) کیلو ولټ د برښنا د پروژې په پرانیست غونډه کې هم ګډون وکړ.
