د شهیدانو او معلولینو چارو وزارت د ډېټابېس او معلوماتو رئیس په مشرۍ يو پلاوي په بدخشان ولایت کې د ياد وزارت اړوند ریاست د نوي الکټرونیکي سیسټم له بهیر څخه ارزونه ترسره کړه
د ډېټابېس او معلوماتو رئیس محترم الله محمد دوست چې تخنیکي او مسلکي پلاوي یې هم ملتيا کوله د بدخشان ولايت د شهيدانو او معلولينو چارو ریاست د یتیمانو، کونډو او معلولینو د ثبت او بایومټریک د نوي الکټرونیکي سیسټم له بهیر څخه لېدنه او ارزونه ترسره کړه.
په دې لېدنه کې د سیسټم د ثبت او راجسټر، تثبيت او د هویت کارتونو د پرینټ له برخو ارزونه ترسره شوه.
همداراز د ډېټابېس او معلوماتو رئیس محترم الله محمد دوست کارکوونکو ته د چارو د ښه سمبالښت او د ستونزو د حل په موخه لازمې لارښوونې وکړې او د هغوی غوښتنې او وړاندیزونه یې هم واورېدل.
د بدخشان ولایت د شهیدانو او معلولینو چارو رئیس محترم مولوي میردولت یاري د نوي الکټرونیکي سیسټم چارو له څارنې او ارزونې څخه خوښي وښوده او زیاته یې کړه چې دا ډول ارزونې د چارو او په خاص ډول د نوي الکټرونیکي سیسټم بهیر د کیفیت لوړولو لپاره ډېرې ګټورې دي.
