د شهیدانو او معلولینو چارو وزارت د رهبرۍ غونډه وشوه
د شهیدانو او معلولینو چارو وزارت د رهبرۍ غونډه وشوه
نن شنبه د (کب میاشتې ۹ نېټه) د شهیدانو او معلولینو چارو د سرپرست وزیر پوهنمل حمید الله فاروقي په مشرۍ د وزارت د رهبرۍ غونډه ترسره شوه، چې مرستیالانو، رییسانو، مشاورینو او نورو مسولینو پکې ګډون درلود.
په پیل کې ښاغلي فاروقي د (کب د نهمې) د امنیتي او دفاعي ځواکونو د ملاتړ ملي ورځې په مناسبت د هېواد زړورو امنیتي او دفاعي ځواکونو، د دوی کورنیو او ټول افغان ولس ته د خپلې مبارکۍ مراتب وړاندې کړل او امنیتي ځواکونو سرښندنې، زړورتیا او موجودیت یې د هېواد لپاره ستره لاسته راوړنه وګڼله.
ښاغلي فاروقي د وزارت د چارو په اړه څرګنده کړه، چې ځینو برخو کې ستونزې موجودې دي؛ مهمه ده، چې د یوه منظم پلان پر بنسټ تشخیص او د له منځه وړلو لپاره یې جدي ګامونه پورته شي. ښاغلي فاروقي زیاته کړه، چې د شهیدانو ورثې او معلولینو ته د خدمتونو وړاندې کولو بهیرونه باید ورځې تر بلې شفاف، معیاري او چټک شي.
ښاغلي فاروقي د همغږۍ پیاوړتیا، د عدالت، روڼتیا، سیستم تطیبق، فساد سره مبارزه او د چارو منظمول، خپل دیني او وظیفوي مسولیتونه وګڼل زیاته یې کړه، چې ټولې چارې به د ورکړل شویو صلاحیتونو او قانون پر بنسټ ترسره او هیچاته به اجازه ور نه کړي، چې فساد او نورو ناقانونه کړنو ته لاره هواره کړي. د دې تر څنګ یې ټولو مسولینو ته لارښوونه وکړه، چې په یاد ډول خپل مسولیتونه په صادقانه ډول ترسره کړي، تر څو د شهیدانو کورنۍ او معلولین پر خپل وخت له حقوقو او امتیازاتو برخمن شي.
ښاغلي فاروقي د جینوا کنفرانس په اړه د جمهوري ریاست عالی مقام د احکام او فرامینو د پر وخت تطبیق لارښوونه وکړه وویل، چې د کړنو راپور باید دقیق او پر وخت یاد مقام سره شریک شي.
ښاغلي فاروقي د بودجې او تدارکاتو کمېټې د رامنځته کولو د تایید تر څنګ وویل، چې باید په اونۍ کې یو ځل غونډه ترسره او اړوندې چارې په منظم ډول تعقیب کړي.
د یادو موضوعاتو سربېره په ولایتونو کې د برېښنایي سیستم د تطیبق لپاره د انټرنیټ اسانتیا برابرولو، د موبایل له لارې د حقوقو ورکړې، سولري سیستم فعالولو او په مرکز کې د ولایتي امرینو د همغږۍ ورکشاپ ترسره کولو په اړه نظرونه شریک او اړینې پرېکړې وشوې.
