د شهیدانو او معلولینو چارو وزارت او د (ZFA) خیریه مؤسسې ترمنځ د یتیمانو د ملاتړ په موخه د همکارۍ هوکړه لیک لاسلیک شو
د همکارۍ دا هوکړه لیک د دې وزارت د بهرنېو اړیکو او پلان رئیس محترم ملا صدو خان حق شناس او د (ZFA) خیریه مؤسسې رئیس محترم ډاکټر حمیدالدین یولداش ترمنځ لاسلیک شو چې له مخې به یې په کابل، تخار، ننګرهار، کاپیسا او لوګر ولایتونو کې زر (۱۰۰۰) تنو مستحقو یتیمانو ته اختریزې کڅوړۍ چې په هغه کې د اختر لپاره جامې، بوټان او نور اړین توکي شامل دي، ووېشل شي.
د یادونې وړ ده چې د دې پروژې مجموعي لګښت (۲۹) زره او (۵۶۱) ډالره کېږي او د یادو ولایتونو د شهیدانو او معلولینو چارو ریاستونو سره په همغږۍ به تطبیق شي.
