د شهیدانو او معلولینو چارو وزارت او د مسلم هنډز نړیوالې (MHI) مؤسسې ترمنځ د څه باندې (۲۰) میلیونه افغانیو په ارزښت هوکړه لیک لاسلیک شو
د شهیدانو او معلولینو چارو وزارت د یتیمانو د اقتصادي ملاتړ په موخه د مسلم هنډز نړیوالې مؤسسې سره د (۲۰) میلیونه، (۳۶۱) زره او (۷۰۵) افغانیو په ارزښت د همکارۍ هوکړه لیک لاسلیک کړ. د دې هوکړه لیک پر اساس به، د کابل، کنړ، پروان، ننګرهار، لوګر، پکتیا، غزني، کاپیسا، میدان وردګ، بلخ او خوست ولایتونو اړوند (۶۷۶) تنو مستحقو یتیمانو لپاره نغدي مرستې ووېشل شي او هر یتیم ته به د یوه کال په ترڅ کې (۲۴۴۸۰) افغانۍ د نغدي مرستې په توګه ورکړل شي. یاد هوکړه لیک د بهرنیو اړیکو، پلان او تقنین چارو رئيس محترم مولوي ثناء الله فرقاني او د مسلم هندز نړیوالې (MHI) مؤسسې رئیس محترم محمد آصف فولاد ترمنځ لاسلیک شو او د یادو ولایتونو د شهیدانو او معلولینو چارو ریاستونو سره په همغږۍ به تطبیق شي.
