د شهيدانو ورثه ؤ او معلولينو د پالنې مرکز اړوند د فني او حرفوي زده کړو پر (۱۵۴) تنو زده کوونکو باندې مرستې ووېشل شوې
د شهيدانو ورثه ؤ او معلولینو د پالنې مرکز د HHRD خیریه مؤسسې سره په همغږۍ د فني او حرفوي زده کړو پر (۱۵۴) تنو زده کوونکو باندې خوراکي توکي چې په هغه کې اوړه، وریجې، غوړي او نور خوراکي مواد شامل وو، په شفاف ډول ووېشل.
په ورته وخت کې هر زده کوونکي ته (۷۱۶۰) افغانۍ د دوو مياشتو د لارې کرايې په توګه هم ورکړل شوې.
د یادونې وړ ده، چې د یادو مرستو د وېش پر مهال د شهيدانو ورثه ؤ او معلولینو د پالنې مرکز رئیس محترم ملا رحمت الله خالد، د وزارت د ټولنیزو خدمتونو د تنظیم ریاست استازي او د مؤسسې مسؤلينو حضور درلود.
