د زابل ولايت په مرکزي دارالایتام کې د څښاک پاکو اوبو شبکې د جوړولو چارې پیل شوې
د زابل ولايت د شهیدانو او معلولینو چارو ریاست د دې ولايت په عمر بن خطاب رضي الله عنه دارالایتام کې د HHRD نړيوالې مؤسسې په مالي لګښت د څښاک پاکو اوبو شبکه چې په یو ساعت کې د دوه زره ليتره تصفیه شوېو اوبو ظرفيت لري، چارې یې پیل شوې،
د دې ترڅنګ د (۲۴۰) تنو يتيمانو لپاره به صحي کېټونه هم ورکړل شي چې په دې سره به د ګڼو ناروغیو مخنیوي وشي.
د یادو پروژو په پرانيست غونډه کې د زابل ولايت مقام، د شهيدانو او معلولينو چارو رياست، د اقتصاد رياست او د جهادي مدرسې استازو حضور درلود.
همداراز د ولایت مقام او د یادو ریاستونو د استازو له لوري د شهیدانو او معلولینو چارو ریاست کارونه وستايل شول.
