د تخار ولایت د شهیدانو او معلولینو چارو په ریاست کې اداري غونډه ترسره شوه
د چارو د ښه سمون او یتیمانو، کونډو او معلولینو ته د ښو خدمتونو وړاندې کولو په موخه د تخار ولایت د شهیدانو او معلولینو چارو رئیس محترم مولوي عبدالغفار غفوري په مشرۍ په یاد ریاست کې اداري غونډه جوړه شوه، چې د ریاست اړوند ټولو کارکوونکو ګډون کړی وو.
په دې غونډه کې د شهیدانو ورثه ؤ او معلولینو د م (۴۰) دفترونو د تجدید پر څرنګوالي خبرې وشوې او د یاد ریاست اړوند د کارکوونکو یو ټیم ته دنده ورسپارل شوه چې د شهیدانو ورثه ؤ او معلولینو اړوند اسناد راټول کړي.
همداراز په دې غونډه کې د یتیمانو، کونډو او معلولینو په بایومټریک پروسې کې د چټکتیا او اسانتیاوو رامنځته کولو په اړه هم خبرې وشوې او محترم مولوي عبدالغفار غفوري له کارکوونکو وغوښتل چې له مراجعینو سره دې د ښه سلوک او نیک چلند څخه کار واخلي.
