دولتي ورځپاڼو سره د همغږۍ او همکارۍ پراختیا اړینه ده
دولتي ورځپاڼو سره د همغږۍ او همکارۍ پراختیا اړینه ده
د شهیدانو او معلولینو په چارو کې د دولت وزیر لعل الدین آریوبي د دولتي ورځپاڼو عمومي رییس فرید احمد فرهنګ سره وکتل؛ د همکاري او همغږۍ پر پراختیا یې خبرې وکړې.
ښاغلي فرهنګ د دولتي ورځپاڼو د شالید، فعالیتونو او په دې برخه کې د رامنځته شویو اصلاحاتو او پرمختګونو په اړه معلومات وړاندې کړه، وویل چې د دولتي ورځپاڼو په مدیریت، محتوا، چاپ او نورو برخو کې بنسټیز اصلاحات رامنځته شوي، هڅه یې دا ده، چې دغه لړۍ نوره هم پراخه کړي. نوموړي ډاډ ورکړ، چې د افغان اعلاناتو له لارې به د دې وزارت اعلانات او د ورځپاڼو له لارې به یې د خبرونو او نورو فعالیتونو د خپراوي په برخه کې هر اړخیزه همکاري وکړي. همدارنګه وزارت او د شهیدانو او معلولینو چارو ولایتي آمریتونو ته به یې هم پر وخت دولتي ورځپاڼې استوي.
ښاغلي آریوبي د دولتي ورځپاڼو او افغان اعلاناتو په برخه کې رامنځته شوي اصلاحات وستایل وویل، چې د شهیدانو او معلولینو په چارو کې د دولت وزارت ټول تدارکاتي اعلانونه به له دې وروسته افغان اعلاناتو ته استول کېږي او د اړتیا وړ دولتي ورځپاڼو ترلاسه کولو لپاره به هم یو مېکانېزم جوړ شي.
ښاغلي آریوبي د دولتي سکتور ملاتړ د ټولو مشترک مسولیت وګاڼه او د دوه اړخیزې همکارۍ او همغږۍ په ټینګښت او پراختیا یې تاکید وکړ.
