تخار ولايت کې (۴۰۰) مستحقو کورنيو ژمنۍ مرستې ترلاسه کړې
د تخار ولايت د شهیدانو او معلولینو چارو رياست د شهیدانو کورنیو او معلولینو د ملاتړ په موخه، د يوې خيريه مؤسسې په مالي همکارۍ د شهیدانو کورنیو او معلولیت لرونکو وګړو (۴۰۰) کورنیو ته مرستې چې په هغه کې البسه او کمپلې شاملې وې، په منظم او عادلانه ډول ووېشلې.
د مرستو د وېش پر مهال، د تخار ولایت د شهیدانو او معلولینو چارو رئیس محترم مولوي عبدالکریم حلیمي یتیمانو، کونډو او معلولینو ته ډاډ ورکړ چې د هغوی د ملاتړ هڅې به لا پیاوړې شي او ریاست به هڅه وکړي چې ورته نورې مرستې هم برابرې کړي، تر څو د هغوی اقتصادي ستونزو ته په ښه توګه رسیدګي وشي.
په ورته وخت کې، هغو کسانو چې مرستې يې ترلاسه کړې وې، د اسلامي امارت، خیریه بنسټونو او همکارو ادارو څخه یې مننه او قدرداني وکړه.
