د شهیدانو او معلولینو چارو وزارت یتیمانو او کونډو ته د خوراکي توکو د چمتو کولو په موخه د احساس ټولنیزې خیریه مؤسسې سره هوکړه لیک لاسلیک کړ
یاد هوکړه لیک چې د شهیدانو او معلولینو چارو وزارت د بهرنېو اړیکو او پلان رئیس محترم ملا صدو خان حق شناس او د احساس ټولنیزې خیریه مؤسسې مرستیال محترم روح الله صاحب زاده ترمنځ لاسلیک شو چې د هغې پر بنسټ به په هرات ولایت کې شپیته (۶۰) تنو کونډو او یتیمانو ته د خوراکي توکو مرستې چې په هغه کې غوړي، وریجې او بوره شامل دي، وویشل شي.
د یاد هوکړه لیک د لاسلیک پر مهال د شهیدانو او معلولینو چارو وزارت د بهرنېو اړیکو او پلان رئیس محترم ملا صدو خان حق شناس د احساس ټولنیزې خیریه مؤسسې له مرستو څخه مننه وکړه او زیاته یې کړه: د شهیدانو او معلولینو چارو وزارت په هېواد کې یواځینی وزارت دی چې یتیمانو، کونډو او معلولینو ته خدمتونه وړاندې کوي. هغه همداراز د یادې مؤسسې له مسؤل څخه وغوښتل تر څو خپلې مرستې له دې وزارت سره په همغږۍ ترسره کړي او په دې ترتیب سره به مرستې واقعي مستحقینو ته ورسیږي.
په ورته وخت کې د یادې مؤسسې مرستیال محترم روح الله صاحب زاده یاد قشر ته د مرستو د چمتو کولو په برخه کې د پوره همکارۍ ډاډ ورکړ.
د دې پروژې ټوليز ارزښت دوه زره څلور سوه او پنځوس (۲۴۵۰) امریکائي ډالره دی چې په هرات ولایت کې به تطبیق شي.
