لغمان کې له ۸ جګړه ځپلو کورنیو سره د خوراکي او غیر خوراکي توکو مرسته وشوه
د لغمان ولایت د شهیدانو او معلولینو چارو آمریت نن د کومک موسسې په همکارۍ د دې ولایت له اتو جګړه ځپلو کورنیو سره د خوراکي او نورو اړینو توکو مرسته وکړه.
دا مرستې د لغمان د شهیدانو او معلولینو چارو آمر ښاغلي بشیر احمد حقپال له لوري پر مستحقو کورنیو په مساوي او عادلانه توګه ووېشل شوې.
په یادو مرستو کې، چې ټولې دولس کڅوړې وې، بېلابېل خوراکي او غیر خوراکي توکي شامل وو. ښاغلي حقپال د مرستو د وېش پر مهال وویل، چې د دغو مرستو ټولیزه بیه (۱۵۲۴۰۰) افغانۍ کېږي او هرې کورنۍ ته غوړي، اوړه، مالګه، چای، لوبیا او د پخلنځي بشپړ وسایل ورکړل شوه.
د مرستو ترلاسه کوونکو د شهیدانو او معلولینو په چارو کې د دولت وزارت له لوري دوی سره د داسې مرستو له ترسره کولو مننه وکړه او خوښي یې وښوده، چې ستونزو ته یې پر وخت رسیدګي کېږي.
