په ننګرهار ولایت کې پر (۳۰۰) تنو مستحقو کسانو باندې د مرستو وېش
د ننګرهار ولایت د شهيدانو او معلولينو چارو رياست د اچ، اچ، آر، ډي مؤسسې سره په همغږۍ په خوګیاڼې ولسوالۍ کې پر (۳۰۰) تنو مستحقو یتیمانو باندې مرستې چې په هغه کې پنځه (۵) ډوله خوراکي توکي او د جامو ګنډلو رخت شامل وو، په منظم او شفاف ډول ووېشل.
د یادو مرستو د وېش پر مهال د ننګرهار ولایت د شهیدانو او معلولینو چارو رئیس محترم محمد صابر ځواک او د خیریه مؤسسې مسؤلینو شتون درلود او د مرستو د وېش له پروسې څخه یې نظارت وکړ.
د یادونې وړ ده چې یادې مؤسسې تر دې وړاندې هم د ننګرهار ولایت په ځینو ولسوالیو کې له سلګونو تنو یتیمانو سره ورته مرستې ترسره کړي دي.
