په زابل ولایت کې پر (۳۸۵) تنو مستحقو کسانو باندې خوراکي توکي ووېشل شول
په یادو مرستو کې چې اوړه، وریجې، غوړي، لوبیا او نور خوراکي مواد شامل وو، د زابل ولایت د شهیدانو او معلولینو چارو ریاست د یوه خیریه بنسټ سره په همغږۍ پر (۳۸۵) تنو مستحقو یتیمانو، کونډو او معلولینو باندې په شفاف او منظم ډول ووېشل.
د مرستو د وېش پر مهال د زابل ولایت د شهیدانو او معلولینو چارو رئیس محترم ملا عبدالحکیم دانش او د یاد خیریه بنسټ مسؤلینو شتون درلود.
محترم ملا عبدالحکیم دانش یتیمانو، کونډو او معلولینو ته یې د مرستو چمتو کولو په پار د یاد خیریه بنسټ له مسؤلینو څخه مننه وکړه او یاد قشر ته یې د مرستو برابرول د ځان او د ټولنې د هر شتمن وګړي ګډ مسؤلیت وباله.
