په کنړ ولایت کې د یو شمېر یتیمانو له کورنيو سره نغدي مرسته ترسره شوه
د شهیدانو او معلولینو چارو وزارت د کورنۍ پلټنې ریاست د مرکزي مفتشینو آمر محترم مولوي امان الله جمالي په مشرۍ یو پلاوي چې د یاد ریاست اړوند کارکوونکو هر یو محترم عتیق الله نیازي او محترم صفي الله وصال یې ملتیا کوله، د کنړ ولایت په شیګل ولسوالۍ کې د یو شمېر یتیمانو له کورنيو سره یې له نږدې وکتل، د هغوی ستونزې او غوښتنې واوریدې او ورسره یې یو اندازه نغدي مرسته هم ترسره کړه.
یاد پلاوي، تر دې وړاندې د کنړ ولایت د شهیدانو او معلولینو ریاست له خوا په ۱۴۰۳ مالي کال کې ترسره شوي فعالیتونه هم په هر اړخیزه توګه ارزولي وو.
