په تخار ولایت کې (٨٠) تنو مستحقو معلولیت لرونکو وګړو ویلچرونه ترلاسه کړل
د تخار ولایت د شهیدانو او معلولینو چارو ریاست د یوې خیریه مؤسسې سره په همغږۍ د یاد ولایت اړوند پر (۸۰) تنو معلولیت لرونکو وګړو باندې ویلچرونه ووېشل، د دې سربېره هر مستحق معلول سره د لارې کرایې په موخه یو اندازه نغدي مرسته هم ترسره شوه.
د تخار ولایت د شهیدانو او معلولینو چارو رئیس محترم قاري شمس الامین زهیر د مرستو د وېش پر مهال د مرستندویه مؤسسې له مسؤلینو څخه یې معلولینو ته د ویلچرونو د وېش په پار مننه وکړه او پر نورو خیریه بنسټونو یې هم غږ وکړ چې د دې ریاست سره په همغږۍ د شهیدانو ورثه وو او معلولینو لپاره لازیاتې مرستې برابرې کړي تر څو په سمه توګه د هغوی لاسنیوی او ملاتړ وشي.
