په بغلان ولایت کې پر (۵۰۰) تنو مستحقو کسانو باندې مرستې ووېشل شوې
د بغلان ولایت د شهیدانو او معلولینو چارو رياست د یاد ولايت جهادي مشر او د لغمان ولايت والي محترم قاري بختیار معاذ په مالي ملاتړ پر (۵۰۰) تنو مستحقو یتیمانو، کونډو او معلولینو باندې ژمنۍ مرستې چې په هغه کې کمپلې شاملې وې، په منظم ډول ووېشلې، همداراز هر مستحق سره د لارې کرايې لپاره یو اندازه نغدي مرسته هم ترسره شوه.
د یادو مرستو د وېش پر مهال د بغلان ولايت د شهیدانو او معلولینو چارو رئیس محترم ملا احسان الله عابد او د یاد ولایت جهادي مشر محترم قاري بختیار معاذ استازي هم شتون درلود.
محترم ملا احسان الله عابد د قاري صاحب بختیار معاذ له کړيو مرستو مننه او قدرداني وکړه او ډاډ يې ورکړ چې په راتلونکې کې به د خيريه بنسټونو او مؤسسو له لارې په مستحقو کورنيو نورې مرستې هم وويشل شي تر څو د دغه اړمن قشر په سمه توګه لاسنيوی او د دوی ستونزو ته رسيدګي وشي.
