د څار او ارزونې ریاست پلاوي د کندهار ولایت د شهیدانو وارثینو او معلولیت لرونکو وګړو ستونزو د حل په موخه سفرکندهار ته وکړ
د شهیدانو او معلولینو په چارو کې د دولت وزارت د څار او ارزونې ریاست پلاوي د کندهار ولایت د شهیدانو وارثینو او معلولیت لرونکو وګړو د حقوقو ورکړې ستونزو د حل په موخه یاد ولایت ته سفر وکړ.
یاد پلاوي د کندهار والي ښاغلي حیات الله حیات سره وکتل او د دې ولایت د شهیدانو وارثینو او معلولیت لرونکو وکړو د حقوق ورکړې لپاره د یوه منظم مهالوېش نشتون په اړه بحث وکړ. په دې لیدنه کې د کندهار د شهیدانو او معلولینو چارو آمریت د نظامي شهیدانو وارثینو د حقوقو وېش د ځنډ په تړاو د شوي لاریون موضوع، چې یوه سپین سرې مور پکې ټپي شوې وه، هم یاده شوه.
د یادونې وړ ده، چې د شهیدانو او معلولینو په چارو کې د دولت وزارت لومړی د نظامي شهیدانو کورنیو د حقوق وېش ته پیل کړ او د ټولو ولایتونو د نظامي شهیدانو کورنیو ته د دوی حقوق ورکړل شوي دي.
