د شهیدانو او معلولینو چارو وزارت او د کابل ارتوپیدیک مؤسسې تر منځ د هوکړه لیک لاسلیک
د شهیدانو او معلولینو چارو وزارت د معلولینو د ملاتړ او هغوی ته د غوره خدمتونو برابرولو په موخه، د (۱۰۷) زره او (۸۶۲) ډالرو په مجموعي ارزښت د کابل ارتوپیدیک مؤسسې سره هوکړه لیک لاسلیک کړ، چې له مخې به یې د کابل ولایت اړوند (۳۰۷۰) تنو معلولیت لرونکو وګړو ته د فزیوتراپي او مصنوعي غړو جوړونې په برخو کې خدمتونه وړاندې شي او همداراز یو شمېر معلولینو ته، ویلچرونه او نور حرکي مرسته کوونکي وسایل هم وېشل کېږي.
د همکارۍ دا هوکړه لیک د شهیدانو او معلولینو چارو وزارت د پلان او بهرنیو اړیکو رئیس محترم ملا صدوخان حق شناس او د کابل ارتوپیدیک مؤسسې مسؤل محترم سید عالم هاشمي ترمنځ لاسلیک شو، چې د معلولینو د بیاځواکمنتیا ریاست سره په همغږۍ به د یو کال په موده کې تطبیق شي.
