د شهیدانو او معلولینو چارو سرپرست وزیر محترم الحاج ملا عبدالمجید آخند لخوا په دې وزارت کې د نیالګیو کښېنولو لړۍ پېل شوه
د شهیدانو او معلولینو چارو وزارت سرپرست وزیر محترم الحاج ملا عبدالمجید آخند د پسرلي موسم د را رسیدو، د طبیعت د ښکلا، د زرغون او پاک چاپېریال د رامنځته کولو په موخه، د دې وزارت په انګړ کې د نیالګیو کښېنولو لړۍ د یوه نیالګي په ايښودلو سره پيل کړه، په جوړ شوي پروګرام کې د شهیدانو او معلولینو چارو مرستیال محترم شیخ صاحب عبدالحکیم حقاني، د مالي او اداري چارو عمومي رئیس محترم مولوي کلیم الله افغان او د اړوندو څانګو ځینو رئیسانو او آمرینو هم حضور درلود.
د نیالګیو کښېنولو په دې پروګرام کې د محترم وزیر صاحب څخه وروسته، د شهیدانو او معلولینو چارو مرستیال محترم شیخ صاحب عبدالحیکم حقاني، د مالي او اداري چارو عمومي رئيس محترم مولوي کلیم الله افغان او د اړوندو څانګو رئیسانو هم په دې نېک اقدام کې برخه واخیسته.
په پام کې ده چې د شهیدانو او معلولینو چارو وزارت د انګړ د ښکلا او زرغونتیا په موخه له شپېتو زیات نیالګي به کښېنول شي. دا اقدام نه یوازې د طبیعت د ښيرازې د زیاتوالي لامل ګرځي، بلکې د پاک او سالم چاپېریال په رامنځته کولو کې هم مهمه ونډه لري.
