د فراه ولایت والي د شهیدانو او معلولینو چارو ریاست څخه لیدنه وکړه
د فراه ولایت محترم والي د شهیدانو او معلولینو چارو ریاست له فعالیتونو، کړنو او یتیمانو، کونډو او معلولینو ته د خدمتونو وړاندې کولو له بهیر څخه ليدنه وکړه، د لیدنې پر مهال د یاد ریاست مسؤلینو د خپلو ترسره شوو فعالیتونو او خدمتونو په اړه معلومات وړاندې کړل.
د فراه ولایت محترم والي د یاد ریاست د کارکوونکو هڅې وستایلې، همداراز د یو شمېر معلولینو سره یې له نږدې وکتل، د هغوی ستونزې يې واورېدې او د همدردۍ په توګه یې ورسره یوه اندازه نغدي مرسته هم ترسره کړه.
