په کاپيسا ولایت کې پر یو شمېر مستحقو یتیمانو باندې د خوراکي توکو وېش
د کاپیسا ولایت د شهیدانو او معلولینو چارو ریاست د یتیمانو د لاسنیوي او ملاتړ په موخه د (ZFA) خیریه مؤسسې سره په همغږۍ د دې ولایت اړوند پر (۲۰۰) تنو یتیمانو باندې خوراکي توکي چې په هغه کې درې بورې اوړه، درې بوتله غوړي، پنځوس کیلو وریجې او ځينې نور خوراکي مواد شامل وو، په شفاف او منظم ډول ووېشل.
د مرستو د وېش پر مهال د کاپيسا ولایت د شهیدانو او معلولینو چارو رئیس محترم الحاج مولوي ګل خان ګل محمد د یادې مؤسسې له مرستو مننه او قدرداني وکړه او د یتیمانو، کونډو او معلولینو لپاره یې د لا زیاتو مرستو پر برابرولو ټینګار وکړ.
