په ننګرهار ولایت کې پر (۸۰۰) تنو مستحقو کسانو باندې مرستې ووېشل شوې
د ننګرهار ولايت د شهیدانو او معلولینو چارو رياست د يوې خيريه مؤسسې په مالي ملاتړ پر (۸۰۰) تنو مستحقو یتیمانو، کونډو او معلولینو باندې بېلابېلې مرستې چې په هغه کې اوړه، غوړي، وریجې او نور خوراکي توکي شامل وو، په منظم او عادلانه ډول ووېشل.
د مرستو د وېش پر مهال د ننګرهار ولایت د شهیدانو او معلولینو چارو رئیس محترم محمد صابر ځواک د یادې مؤسسې له لوري د شوو مرستو قدرداني وکړه او له ټولو ملي او نړیوالو خیریه بنسټونو یې وغوښتل چې له دې زیانمن او بېوسه قشر سره خپلې مرستې پراخې کړي او د هغوی د اساسي اړتیاوو د پوره کولو لپاره لازمه پاملرنه وکړي.
