د شهیدانو او معلولینو چارو وزارت اړوند کارکوونکو د کړنو او فعالیتونو د ارزونې لړۍ رسماً پېل شوه
د شهیدانو او معلولینو چارو وزارت د منظم پلان له مخې، د دې وزارت د ټولو کارکوونکو د کړنو او فعالیتونو د ارزونې پروسه نن د ځانګړې ټاکل شوې کمېټې له خوا پیل شوه، په یادې کمېټې کې د دعوت او ارشاد رئیس محترم مفتي عبدالاحد مسعود، د پلان او پاليسى محترم رٸيس ملا صدو حق شناس د اطلاعاتو او عامه اړیکو رئيس محترم مفتي فیصل خاموش، د استخدام آمر محترم مولوي عبدالصمد حماد او د سوانح او ارزونې آمر محترم کریم الله فاروقي شتون لري.
د یادې کمېټې لخوا د کورنۍ پلټنې او د څارنې او ارزونې ریاستونو اړوند کارکوونکو یو کلني فعالیتونه، اجراآت او کاري راپورونه په هر اړخیز ډول وارزول شول.
د دې ارزونې اصلي موخه په کاري بهیر کې د شته ستونزو او ننګونو په نښه کول، د اداري چارو د کیفیت لوړول او د هغو برخو پېژندنه ده چې کارکوونکي یې د ظرفیت لوړونې روزنیزو پروګرامونو ته اړتیا لري او د ترلاسه شویو پایلو پر بنسټ به لازم اقدامات ترسره شي.
