په کابل ولایت کې پر (۵۰۰) تنو یتیمانو، کونډو او معلولینو باندې د خوراکي توکو مرستې ووېشل شوې
د کابل ولایت د شهیدانو او معلولینو چارو ریاست د نصیر خیریه بنسټ په مالي ملاتړ د دې ولایت پر (۵۰۰) تنو مستحقو یتیمانو، کونډو او معلولینو باندې د خوراکي توکو مرستې چې په هغه کې اوړه، وریجې، غوړي او نور خوراکي مواد شامل وو، ووېشل.
د مرستو د وېش پر مهال د کابل ولایت د شهيدانو او معلولينو چارو رئيس محترم قاري شمس الامین زهیر، د پرمختیایي پروژو څخه د څارنې او ارزونې آمر محترم ملا مطیع الله ابوالمختار او د نصیر خیریه بنسټ مسؤلینو شتون درلود.
