د هلمند ولایت د شهیدانو او معلولینو چارو په ریاست کې اداري غونډه جوړه شوه
د کاري بهیر د لا ښه والي او یتیمانو، کونډو او معلولیت لرونکو وګړو ته د غوره خدمتونو وړاندې کولو په موخه د هلمند ولایت د شهیدانو او معلولینو چارو په ریاست کې اداري غونډه جوړه شوه، یاده غونډه چې د دې ولایت د شهیدانو او معلولینو چارو رئیس په مشرۍ ترسره شوه، په هغه کې د ریاست اړوند کارکوونکو ګډون درلود.
په دې غونډه کې د یاد ولایت د شهیدانو او معلولینو چارو رئیس ګډونوالو ته د شهیدانو ورثه ؤ او معلولینو د بایومټریک پروسې، همداراز یتیمانو، کونډو او معلولینو ته د ښو خدمتونو وړاندې کولو، د هغوی پر وړاندې د شته ستونزو او ننګونو د له منځه وړلو په تړاو خبرې وکړې او له اړوند کارکوونکو څخه یې وغوښتل ترڅو ورسپارل شوي مسؤلیتونه په پوره اخلاص او همغږۍ ترسره کړي.
