د شهیدانو او معلولینو چارو وزارت یتیمانو او کونډو او معلولینو ته د ژمنېو توکو د چمتو کولو په موخه د (HHRD)خیریه مؤسسې سره هوکړه لیک لاسلیک کړ
د دې هوکړه لیک پر اساس به، په غزني، پنجشېر او فاریاب ولایتونو کې (۷۲۰) تنو مستحقو یتیمانو، کونډو او معلولینو ته د (۵۵) زره امریکایي ډالرو په ارزښت ژمني توکي چې په هغه کې کمپلۍ او البسه شامل دي چمتو او ووېشل شي.
یاد هوکړه لیک د شهیدانو او معلولینو چارو وزارت د بهرنېو اړیکو او پلان رئیس محترم ملا صدو خان حق شناس او د (HHRD)خیریه مؤسسې د سوپروایزر محترم عبیدالله احمدي تر منځ لاسلیک شو او د پورتنېو ذکر شوېو ولایتونو د شهیدانو او معلولینو چارو ریاستونو په همغږۍ به تطبیق شي
