د ډېتابېس او معلوماتو د سيسټم په ریاست کې د پروژې ستراتیژیک پلان د تطبیق پر څرنګوالي، د ډېټابېسونو جوړولو او د سیسټم د تأدیې او محاسبې برخې د فعالولو په اړه اداري غونډه جوړه شوه

یاده غونډه چې د  ډېټابېس او معلوماتو د سیسټم رئیس محترم مولوي باقي بالله فضلي په مشرۍ جوړه شوې وه، په هغه کې د ډېټابېس او معلوماتو د سیسټم آمر او د ام آی اس آمریت وارسي کوونکي محترم سید تمیم آغا او کارکوونکو ګډون کړی وو.

په دې غونډه کې د پروژې ستراتیژیک پلان پر وخت او په ښه ډول د تطبیق کیدو پر څرنګوالي، د شهیدانو او معلولینو چارو وزارت اړوند ریاستونو لپاره د ډېټابېسونو جوړولو پر پروسې او همداراز د سیسټم د تأدیې او محاسبې برخې د فعالولو او اصلاح په تړاو خبرې وشوې او پریکړه وشوه چې یادو برخو ته پوره پاملرنه وشي.

په پای کې د محترم فضلي صاحب لخوا  ټولو کارکوونکو ته سپارښتنه وشوه چې د خپلو دندو په ترسره کولو کې له پوره جدیت او نوښتونو څخه کار واخلي.