د کابل ولایت د شهیدانو او معلولینو چارو رئیس د یوناما دفتر مرکزي زون د بشري حقونو له رئیس سره وکتل
د کابل ولایت د شهیدانو او معلولینو چارو رئیس محترم قاري شمس الامین زهیر د یوناما دفتر مرکزي زون د بشري حقونو له رئیس محترم ډاکتر نایل سره په خپل کاري دفتر کې وکتل.
په دې کتنه کې د یو لړ نورو مهمو موضوعاتو ترڅنګ، یتیمانو، کونډو او معلولینو ته د مرستو ترسره کولو پر څرنګوالي خبرې وشوې او د یوناما بشري حقونو له رئیس څخه وغوښتل شول تر څو دې قشر سره د ژوند د لومړنېو اړتیاوو د برابرولو په برخو کې مرستې ترسره کړي.
په ورته وخت کې د یوناما د بشري حقونو مسؤل هم ژمنه وکړه چې تر خپل وس په اندازه به، یتیمانو، کونډو او معلولینو ته مرستې چمتو کړي.
