د خوست ولايت د شهيدانو او معلولینو چارو په رياست کې د چارو د لاښه والي په موخه اداري غونډه ترسره شوه
ياده غونډه چې د خوست ولايت د شهيدانو او معلولینو چارو رئيس محترم مولوي عبدالرحیم احسان په مشرۍ جوړه شوې وه، په هغه کې د یاد ریاست اړوند کارکوونکو او د ولسوالېو مدیرانو ګډون کړی وو.
په دې غونډه کې محترم مولوي عبدالرحیم احسان د شهيدانو او معلولینو چارو وزارت د مقام د هدایت پر اساس د دې ولایت په مرکز او اړوند ولسوالېو کې د ثبت شویو یتیمانو، کونډو او معلولينو د کور په کور د تصفیې پروسې پر څرنګوالي هر اړخیزې خبرې وکړې او د اړوند مدیرانو څخه یې وغوښتل تر څو د شهیدانو او معلولینو چارو وزارت د طرحې سره سم هغوی ته په خپل وخت او په ښه توګه رسيدګي وکړي.
د غونډې په پای کې ګډونوالو هم ژمنه وکړه چې ورسپارل شوي مسؤلیتونه به، په ښه اخلاص ترسره کړي.
