په کنړ ولايت کې (۲۵۰) مستحقو کورنېو باندې خوراکي توکي وویشل شول
د کنړ ولايت په شیګل ولسوالۍ کې د (HHRD) مؤسسې له لوري او د دې ولايت د شهيدانو او معلولینو چارو رياست په همغږۍ پر (۲۵۰) مستحقو کورنېو باندې خوراکي توکي چې په هغه کې اوړه، وریجې، غوړي، لوبیا، بوره او مالګه شامل وو، ووېشل شول.
د یادو مرستو د وېش پر مهال د کنړ ولايت د شهيدانو او معلولینو چارو رئيس محترم مفتي عبیدالله حقاني یاد ولایت ته د شهیدانو او معلولینو چارو وزارت د ځانګړې پاملرنې تر څنګ د یادې مؤسسې له مسؤلینو څخه هم مننه وکړه.
