د شهیدانو او معلولینو چارو وزارت د کړنو او فعالیتونو د ارزونې پلاوي د معلولینو چارو ریاست د کړنو هر اړخیزه اروزنه وکړه
د شهیدانو او معلولینو چارو وزارت د ځانګړي هئیت د ارزونې او پلټنې په لړ کې د معلولینو چارو ریاست د کړنو او فعالیتونو ارزونه او پلټنه ترسره شوه، په دې ارزونه کې د یاد ریاست ټولو اړوندو څانګو ( د معلولینو د حقوقو د محاسبې آمریت، اجرائیه مدیریت، د ملکي محاسبې لوی مدیریت، د نظامي محاسبې لوې مدیریت، د آرشیف لوی مدیریت، او همدارنګه د تادیاتو لوی مدیریت) د کړنو او فعالیتونو ارزونه او پلټنه وشوه، او ټول تثبیت شوي اسناد او کاري دفترونه چې ( د م ۱۶ او م۴۰ فورمې او همدارنګه آرشیف شوي اسناد) هم شامل وه، د ټاکل شوي هیئت له لورې وڅیړل شول.
همداراز د معلولینو چارو ریاست اړوندې ستونزې د یاد پلاوي سره شریکې شوې.
د ارزونې په دې لړۍ که به د ریاستونو د کړنو او فعالیتونو د څرنګوالي ،کاري پلانونو د تطبیق، د وزارت د کارکوونکو اجراآت، د کارکوونکو د مسلکي مهارتونو وړتیا، او همداراز یتیمانو او معلولیت لرونکو وګړو ته د ښو او غوره خدمتونو وړاندې کولو څرنګوالې به وڅیړل شي.
د ارزونې د هیئت په ترکیب کې د بشري سرچینو رئیس ښاغلې مولوي محمد موسی صدیقي او د څارنې او ارزونې ریاست غړی ښاغلې مولوي خیرالله خیرخواه شامل دي، چې مشري یې د شهیدانو او معلولینو چارو وزارت مشاور ښاغلی مولوي حیات الله میوند کوي، دوې به د اړوندو ریاستونو هر اړخیزه ارزونه کوي او د خپلو اجراآتو او څیړنو راپور به د وزارت مشرتابه سره شریک کوي .
