تحصیلي- خبرتیا !
تحصیلي- خبرتیا !
د شهیدانو محترم وارثین او د کورنۍ غړي، چې د شهیدانو او معلولینو په چارو کې د دولت وزارت اسناد ولري، خبر ورکول کېږي چې د کامګار تخینکي او مسلکي زده کړو انستیتیوت د (۴۰۰) وړیا تحصیلي برسونو، چې هوکړه لیک یې پخوا د شهيدانو او معلولينو په چارو کې د دولت وزارت سره لاسلیک کړی و، د اقتصاد، کمپیوټر ساینس، ژورنالیزم او انګلیسي ادبیاتو په څانګو کې د روانې میاشتې تر ۲۹مې نېټې پورې نوملیکنه وکړي.
پر همدې بنسټ، که د شهیدانو د کورنیو غړې په یادو څانګو کې د تحصیل لېوالتیا لري، له خپلو لاندېنیو اسنادو سره د ژر تر ژره د شهیدانو او معلولینو په چارو کې د دولت وزارت ته مراجعه وکړي:
۱. د شهادت کتابچه
۲. د دولسم ټولګي بری لیک
۳. د پېژندپاڼې کاپي
۴. څلور قطعې عکسونه
یادونه: پورته ذکر شوي اسناد له را ټولونې او ارزونې وروسته د شهیدانو او معلولینو په چارو کې د بهزیستي ریاست له لوري په شرایطو د برابرو کسانو نوملړ د رسمي مکتوب له لارې د کامګار انستیتیوت ته، د کانکور د ازموینې لپاره ور پېژندل کېږي.
د شهیدانو کورنیو درنو غړو!!! څرنګه چې کامګار د تخینکي او مسلکي زده کړو انستیتیوت د روانې میاشتې(وږې۳۰)مه، د کانکور ازموینه اخلي؛ نو که په یادو څانګو کې له زده کړو سره لېواتیا لرٍئ، له دې فرصت څخه ګټه واخلئ او ژر تر ژره مو اسناد وزارت ته راوړئ.
پته: د کابل هوايي ډګر عمومي سړک، د قلعه حیاط تمځی، د شهیدانو او معلولینو په چارو کې د دولت وزارت، د شهیدانو او معلولینو په چارو کې د بهزیستي ریاست.
