هیئت وزارت دولت در امور شهدا و معلولین با معاونین مقام ولایت هرات دیدار نمود
د شهیدانو او معلولینو په چارو کې د دولت وزارت له لوري هرات ولایت ته استول شوي پلاوي د دې ولایت د مقام له مرستیالانو سره وکتل
د شهیدانو او معلولینو په چارو کې د دولت وزیر ښاغلي لعل الدین آریوبي د لارښوونې سره سم د دې وزارت له ریاستونو څخه مرکب هیئت چې د څار او ارزونې د رئیس ښاغلي ګل احمد عثماني په مشرۍ د دې لایت د شهیدانو او معلولینو چارو د آمریت د ستونزو، اجراآتو د ارزونې، مالي او اداري ستونزو د حل په موخه یاد ولایت ته سفر وکړ.
په دې لیدنو او کتنو کې د وزارت استازي د هرات ولایت د ټولنیزو چارو مرستیاله آغلې مونسه حسن زاده او د دې ولایت د مقام مالي او اداري مرستیال ښاغلي ډاکتر غلام داوود هاشمي ته د شهیدانو او معلولینو په چارو کې د دولت وزارت د وزیر پیغام شریک کړ.
په دې ناسته کې ښاغلي ګل احمد عثماني د وزارت په استازیتوب د هرات ولایت له مقام څخه د دې وزارت د اصلاحي برنامو د هر اړخیز ملاتړ او د جمهوري ریاست د عالي مقام د حکم په اساس د شهیدانو د ورثې د اسنادو او وثیقو ارزونه، د بایومتریک پروسې د تطبیق، د روڼتیا تامینول او د شهیدانو او معلولینو د ستونزو حل کول وو.
په پای کې آغلې حسن زاده او ښاغلي هاشمي هرات ولایت ته د شهیدانو او معلولینو چارو آمریت څخه د لیدنې د اجراآتو د ارزونې په موخه د استول شوي استازي څخه مننه او قدرداني وکړه او د شهیدانو او معلولینو په چارو کې د دولت وزارت له همکارۍ څخه یې مننه وکړه.
