نمایندگان مردم ولایت لغمان در ولسی جرگه با جناب لعل الدین آریوبی ملاقات نمودند
د لغمان ولایت د معلولیت لرونکو وګړو او شهیدانو د وارثینو پاتې حقوق به ورکړل شي
نن چهار شنبه په ولسي جرګه کې د لغمان ولایت د خلکو استازو ښاغلي عبدالمنیر تره خېل، زیفنون صافۍ او د ولایتي شورا رییس ښاغلي عتیق الله عبدالرحیمزي او د دې شورا غړي ښاغلي ګلزار سنګروال، د لغمان د شهیدانو او معلولینو چارو آمر بشیر احمد حقپال او لغمان د معلولینو اتحادیې رییس خاکسار نیازي د شهیدانو او معلولینو په چارو کې د دولت وزیر ښاغلي لعل الدین آریوبي سره د هغه په کاري دفتر کې وکتل او د یاد ولایت د معلولیت لرونکو وکړو او د شهیدانو وارثینو د ستونزو په اړه یې خبرې وکړې.
په ولسي جرګه کې د لغمان ولایت د خلکو استازي ښاغلي عبدالمنیر تره خېل، مېرمن زیفنون او د ولایتي شورا استازو وویل، چې د لغمان ولایت د شهیدانو او معلولینو چارو آمریت د دې ولایت اکثریت معلولیت لرونکو وګړو او د شهیدانو وارثینو ته حقوق ورکړي او خپله بودیجه یې لګولې، خو ځینو ته یې حقوق نه دي رسیدلې او له اقتصادي ستونزو سره مخ دي. دوی ټینګار وکړ، چې پاتې خلکو ته یې هم باید حقوق پر وخت ورکړل شي.
د شهیدانو او معلولینو په چارو کې د دولت وزیر ښاغلي آریوبي د لغمان له استازو مننه وکړه، چې د خپلو موکیلینو د ستونزو د حل لپاره یې وزارت ته تشریف راوړی وویل: وزارت د ټولو ولایتونو د شهیدانو کورنیو او معلولینو ته د حقوقو د ورکړې په برخه کې ژمن دی او ډېرو ته یې د دوی حقوق پر وخت ورکړي دي او لا د ویش دا لړۍ اوس هم روانه ده. ښاغلي آریوبي زیاته کړه، چې د نوې بودیجې له منظورۍ سره به په لومړي ګام کې د لغمان ولایت پاتې معلولینو او د شهیدانو کورنیو ته د دوی حقوق ورکړي.
