په پروان ولایت کې د شهیدانو وارثینو او معلولینو د اسنادو د سروی او بررسۍ بهیر پېل شو
د بشپړ شفافیت د تأمین، د ملي بوديجې د ضایع کېدو څخه د مخنیوي، حق، حقدار ته د سپارلو او د جعل او تزویر د له منځه وړلو په موخه، د پروان ولایت په بګرام ولسوالۍ کې د شهیدانو د وارثینو او معلولینو د اسنادو د سروې او بررسۍ پروسه پېل شوه.
یاده پروسه د پروان ولایت د شهیدانو او معلولینو چارو رئیس محترم مولوي عبدالاحد سعد تر مشرۍ لاندې، د یاد ریاست د مؤظف ټیم له‌خوا، د شهیدانو او معلولینو چارو وزارت د منظورې شوې طرحې پر بنسټ، کور په کور په نوبت وار او منظم ډول تطبیق کېږي، تر څو د شهیدانو د کورنیو او معلولینو اسناد په دقیقه توګه وارزول شي او مستحق کسان له غیر مستحقو کسانو څخه جلا شي.
