د شهیدانو او معلولینو چارو وزارت د رهبرۍ شورا غونډه جوړه شوه
د شهیدانو او معلولینو چارو وزارت د رهبرۍ شورا غونډه د یاد وزارت د سرپرست وزیر، ښاغلي ملا عبدالمجید اخند په مشرۍ او تر څنګ يې د دغه وزارت مرستیال ښاغلي شیخ صاحب عبدالحکیم حقاني، د مالي او اداري چارو عمومي رئیس ښاغلي مولوي کلیم الله افغان او د اړوندو څانګو د رئیسانو په شتون کې ترسره شوه. په یاده غونډه کې د شهیدانو او معلولینو چارو وزارت کې د بودیجې د ښه او پر ځای لګولو په موخه د اضافي او تجملي څیزونو د اخیستلو څخه ډډه کول، د شهیدانو وارثېنو او معلولیت لرونکو وګړو ته د پیژند پاڼو د ورکړې پروسه، همدارنګه د ریاستونو د ښه فعالیتونو د مخته وړلو لپاره د کړنلارو او لوایحو جوړول او د ریاستونو د میاشتني راپورونو د چمتو کولو په هکله هر اړخیزې خبرې اترې ترسره شوی او د یادو ستونزو د حل لپاره اړینې لارښوونې وشوی.
