د بدخشان ولایت د نظامي او ملکي شهیدانو او معلولینو د ۱۳۹۹کال د حقوقو ورکړې راپور
د بدخشان ولایت د نظامي او ملکي شهیدانو او معلولینو د ۱۳۹۹کال د حقوقو ورکړې راپور
د شهیدانو او معلولینو په چارو کې د دولت وزارت د رهبرۍ د پرېکړې پر بنسټ د بدخشان ولایت نظامي او ملکي معلولینو ته د ۱۳۹۹ کال حقوقو ورکړه پیل شوې ده.
د یاد ولایت د شهیدانو او معلولینو چارو آمریت د راپور پر اساس د دې ولایت اړوند (۲۳۶۹) نظامي شهیدانو د شپږو میاشتو حقوقو د دوی بانکي حسابونو ته لېږدول شوي دي او (۱۵۰۸۱۶۹۵۰) افغانۍ بودیجه ورته ځانګړې شوې وه. د پاتې (۱۳۱۳) شهیدانو د حقوقو ورکړې کار په جریان کې دی او ژر به یې بانکي حسابونو ته واستول شي. دوی ته (۳۰۴۴۳۷۹۵۰) افغانۍ بودیجه په پام کې نیول شوې ده.
(۴۷۸) تنو نظامي معلولینو د شپږو میاشتو حقوق ترلاسه کړي دي او دوی ته (۳۱۰۵۲۸۸۱) افغانۍ بودیجه ځانګړې شوې وه. د پاتې (۱۶) معلولینو حقوق هم تر کار لاندې دي، چې بشپړېدو سره به یې حقوق بانکي حسابونو ته انتقال شي. دوی ته (۳۲۹۲۴۸۸۱) افغانۍ بودیجه ځانګړې شوې ده.
د (۱۲۲۵) ملکي شهیدانو د حقوقې په ورکړې کار روان دي او د یو کال لپاره ورته (۷۲۰۰۰۰۰۰) افغانۍ بودیجه پام کې نیول شوې ده. همدارنګه (۶۱۷۳) معلولینو ته د یو کال لپاره (۲۷۷۷۸۵۰۰۰) افغانۍ بودیجه ځانګړې شوې، چې د کاری پروسې له بشپړېدو سره به خپل حقوق ترلاسه کړي.
