په ننګرهار ولایت کې پر (۴۰۰) تنو مستحقو کسانو باندې د مرستو وېش
د ننګرهار ولایت د شهیدانو او معلولینو چارو ریاست د یتیمانو او معلولینو ورځنیو اړتیاوو ته د رسیدنې په موخه، د (HHRD) خیریه مؤسسې سره په همغږۍ پر (۴۰۰) تنو مستحقو یتیمانو او ماشومو معلولینو باندې د خوراکي توکو مرستې چې په هغه کې اوړه، وریجې، غوړي او نور اړین خوراکي توکي شامل وو، په عادلانه او شفاف ډول ووېشل. د مرستو د وېش پر مهال د ننګرهار ولایت د شهیدانو او معلولینو چارو رئیس محترم محمد صابر ځواک د یادې خیریه مؤسسې له لوري یتیمانو ته د مرستو ترسره کولو په پار قدرداني وکړه، د یتیمانو او معلولینو لاسنیوی یې یو مهم انساني او اسلامي مسؤلیت وباله او د خیریه مؤسسو او بنسټونو یې وغوښتل چې د ټولنې له دې اړمن او باعزته قشر لپاره مرستې برابرې او د هغوی ملاتړ وکړي
