د بامیان ولایت د شهیدانو او معلولینو چارو رئیس په دې ولایت کې د ملګرو ملتونو د بشري مرستو همغږي کوونکي دفتر له مشرې سره وکتل
د بامیان ولایت د شهیدانو او معلولینو چارو رئیس محترم شاه ولي احمدي په یاد ولایت کې د ملګرو ملتونو د بشري مرستو د همغږي کوونکي دفتر (اوچا) له مشرې آغلې مرینا سره وکتل، په دې کتنه کې د خیریه بنسټونو او مؤسسو له لوري یتیمانو، کونډو او معلولینو ته د ۲۵ سلنه مرستو د تخصیص په هکله خبرې وشوې او له هغې یې وغوښتل تر څو په دې برخه کې عملي ګامونه پورته کړي.
په ورته وخت کې په بامیان ولایت کې د اوچا مشرې هم ډاډ ورکړ چې د اړمنو یتیمانو، کونډو او معلولینو د ۲۵ سلنه مرستو د تخصیص موضوع به د ملي او نړیوالو مرستندویه مؤسسو او بنسټونو له استازو سره شریک کړي او د تطبیق په برخه کې به یې کوټلي ګامونه پورته کړي.
