په ۵۱۲ بیوزلو کورنېو باندې د کندهار په ولایت کې د خوراکي توکو مرستې ووېشل شوې
په کندهار ولایت کې د ترکیې هیواد د IHH خیریه بنسټ لخوا د شهیدانو کورنېو او معلولیت لرونکو وګړو باندې د خوراکي مرستو کڅوړې وویشل شوې. په دغو مرستو چې يوولس ډوله خوراکي توکي شاملې وو، د کندهار ولايت د شهيدانو او معلولينو چارو رياست په همغږۍ د IHH خيريه بنسټ له لورې د رمضان پکیچ تر نامه لاندې پر یتیمانو او معلولیت لرونکو وګړو ووېشل شوې.
د کندهار ولایت د شهیدانو او معلولینو چارو رئیس ښاغلي مولوي علاوالدین سعد پر اړمنو کورنیو د مرستو د ویش له امله خوښي څرګنده کړه او د مننې ترڅنګ یې د روژې مبارکې میاشت کې د دا ډول مرستو وېش خورا اړین وباله او د یاد بنسټ هڅې یې وستایلې.
په پای کې د IHH خیریه بنسټ مشر ښاغلي مجاهد الترکي او د هغه همکارانو د یاد ریاست سره د لا زیاتو مرستو پر لړۍ ټینګار وکړ
