د شهیدانو او معلولینو چارو وزارت د مالي او اداری چارو عمومي رییس د کابل شهیدانو او معلولینو چارو ریاست له کار او فعالیت څخه لیدنه وکړه.
د مالي او اداري چارو عمومی رییس مولوی کلیم الله افغان د کابل د شهدانو او معلولینو چارو ریاست څخه له نږدې لیدنه وکړه.
په دې لیدنه کې افغان صاحب د معلولینو د ثبت او پېژندنې له پروسې څخه د څارنې پر مهال ټولو معلولینو ته ډاډ ورکړ چې نږدې راتلونکې کې به یاده پروسه بشپړه شي او خپل حقوق به تر لاسه کړئ.
د کابل د شهیدانو او معلولینو چارو رییس قاري شمس الامین زهیر وویل: موږ دا پروسه ځکه پیل کړې ده چې د تېر حکومت د معلولیت خیالي کتابچې وپېژندل شي او پروسه رڼه او شفافه شي او څرګنده یې کړه چې دا پروسه د تېر په څېر اوږده او وخت نیوونکې نه ده.
هغه همداراز زیاته کړه چې د ورځې څلوېښت سلنه خلک له خیالي کتابچو سره مراجعه کوي خو موږ د پروسې د روڼوالي په هڅه کې یو څو حق حقدار ته وسپارل شي.
د مالي او اداري چارو عمومي رییس مولوی کلیم الله افغان د معلولینو ستونزې واورېدې او اوړوندو چارواکو ته یې هدایت وکړ چې د معلولینو ستونزې حل کړي.
همدارنګه د شهیدانو او معلولینو چارو وزارت د مراجعینو د ګڼې ګوڼې د مخنیوي په موخه او د معلولینو په غوښتنه د دې ریاست تر څنګ د دارالامان په سیمه کې د توانبخشۍ ریاست او په خیر خانې کې د معلولینو ملي انسټیټیوټ کې هم د معلولینو د تثبیت پروسه پیل کړه.
