د شهيدانو او معلولينو په چارو کې د دولت وزير لعل الدين اريوبي د پروان له مستوفي سره وليدل
د شهيدانو او معلولينو په چارو کې د دولت وزير لعل الدين اريوبي د پروان له مستوفي سره وليدل
نن سه شنبه (د تلې میاشتې اتمه) د شهيدانو او معلولينو په چارو کې د دولت وزير لعل الدين آريوبي پروان ولایت ته د ولايتي سفر په ترڅ کې د دې ولایت مستوفي سره د شهيدانو او معلولينو د حقونو او امتيازاتو د ورکړې او بانکي سازۍ په اړه ناسته وکړه.
ښاغلي آريوبي د شهيدانو وارثينو او معلوليت لرونکو وګړو ته د کلنيو حقونو او امتيازاتو د ورکړې په برخه کې د لازمو اسانتياوو د را منځته کولو او بانکي سازۍ په هکله خپل وړاندېزونه، غوښتنې او نظرونه د پروان مستوفي سره شريکې کړې.
د پروان مستوفي ښاغلي آريوبي او مل پلاوي څخه مننه وکړه، چې د یاد ولایت د جګړو او سيلاب ځپلو ولسونو د ستونزو د اورېدو او حل په پار يې دغه ولايت ته سفر وکړ او د شهيدانو وارثينو او معلوليت لرونکو وګړو ته د امتيازاتو د ورکړې پروسې د بانکي سازۍ بهير د چټکتيا په تړاو يې له خپله اړخه د پوره همکارۍ ډاډ ورکړ.
نوموړي د شهيدانو او معلولينو په چارو کې د دولت وزارت وروستي پرمختګونه، اصلاحاتو، د فساد مخنيوی او د اسنادو د ثبت او ارزونې سيسټم برېښنايي کېدل وستایل او په چارو کې يې د برياوو هيله وکړه.
