په کابل ولایت کې پر (۲۷۵) تنو نابینا معلولینو او اړمنو کسانو باندې د خوراکي توکو مرستې ووېشل شوې
د شهیدانو او معلولینو چارو وزارت د انساني مرستو مؤسسې سره په همغږۍ د کابل ښار په څلورمه ناحیه کې پر (۲۷۵) تنو نابینا معلولینو او اړمنو کسانو باندې د خوراکي توکو مرستې چې په هغه کې وریجې، غوړي، لوبیا او ځينې نور خوراکي مواد شامل وو، ووېشل.
یادې مرستې د شهیدانو او معلولینو چارو وزارت د ټولنیزو خدمتونو د تنظیم ریاست استازي، د څارنې او ارزونې ریاست استازي محترم محمد فاروق ځلاند او د انساني مرستو مؤسسې د مسؤلینو په شتون کې په شفاف ډول پر مستحقینو ووېشل شوې.
